መዝሙር 145:1-21
የዳዊት የውዳሴ መዝሙር።
א [አሌፍ]
145 ንጉሡ አምላኬ ሆይ፣+ ከፍ ከፍ አደርግሃለሁ፤ለዘላለም ስምህን አወድሳለሁ።+
ב [ቤት]
2 ቀኑን ሙሉ አወድስሃለሁ፤+ለዘላለም ስምህን አወድሳለሁ።+
ג [ጊሜል]
3 ይሖዋ ታላቅ ነው፤ እጅግ ሊወደስም ይገባዋል፤+ታላቅነቱ አይመረመርም።*+
ד [ዳሌት]
4 ትውልዶች ሁሉ ሥራህን ያወድሳሉ፤ስላከናወንካቸው ታላላቅ ነገሮች ይናገራሉ።+
ה [ሄ]
5 ታላቅ ውበት ስለተጎናጸፈው ግርማህ ይናገራሉ፤+እኔም ስለ ድንቅ ሥራዎችህ አሰላስላለሁ።
ו [ዋው]
6 እጅግ አስደናቂ ስለሆነው ሥራህ* ይናገራሉ፤እኔም ስለ ታላቅነትህ አውጃለሁ።
ז [ዛየን]
7 የጥሩነትህን ብዛት ሲያስታውሱ በስሜት ያወራሉ፤+ከጽድቅህም የተነሳ እልል ይላሉ።+
ח [ኼት]
8 ይሖዋ ሩኅሩኅና* መሐሪ፣+እንዲሁም ለቁጣ የዘገየ ነው፤ ታማኝ ፍቅሩም ታላቅ ነው።+
ט [ቴት]
9 ይሖዋ ለሁሉም ጥሩ ነው፤+ምሕረቱም በሥራው ሁሉ ላይ ይታያል።
י [ዮድ]
10 ይሖዋ ሆይ፣ ሥራዎችህ ሁሉ ከፍ ከፍ ያደርጉሃል፤+ታማኝ አገልጋዮችህም ያወድሱሃል።+
כ [ካፍ]
11 የንግሥናህን ክብር ያውጃሉ፤+ስለ ኃያልነትህም ይናገራሉ፤+
ל [ላሜድ]
12 ይህም ለሰዎች ታላላቅ ሥራዎችህንና+የንግሥናህን ታላቅ ክብር+ ያስታውቁ ዘንድ ነው።
מ [ሜም]
13 ንግሥናህ ዘላለማዊ ነው፤ግዛትህም ከትውልድ እስከ ትውልድ ጸንቶ ይኖራል።+
ס [ሳሜኽ]
14 ይሖዋ ሊወድቁ የተቃረቡትን ሁሉ ይደግፋል፤+ያጎነበሱትንም ሁሉ ቀና ያደርጋል።+
ע [አይን]
15 ዓይን ሁሉ አንተን በተስፋ ይመለከታል፤አንተም ምግባቸውን በወቅቱ ትሰጣቸዋለህ።+
פ [ፔ]
16 አንተ እጅህን ትዘረጋለህ፤የሕያዋን ፍጥረታትንም ሁሉ ፍላጎት ታሟላለህ።+
צ [ጻዴ]
17 ይሖዋ በመንገዱ ሁሉ ጻድቅ፣+በሥራውም ሁሉ ታማኝ ነው።+
ק [ኮፍ]
18 ይሖዋ ለሚጠሩት ሁሉ፣በእውነት* ለሚጠሩት+ ሁሉ ቅርብ ነው።+
ר [ረሽ]
19 የሚፈሩትን ሰዎች ፍላጎት ያረካል፤+እርዳታ ለማግኘት የሚያሰሙትንም ጩኸት ይሰማል፤ ደግሞም ይታደጋቸዋል።+
ש [ሺን]
20 ይሖዋ የሚወዱትን ሁሉ ይጠብቃል፤+ክፉዎችን ሁሉ ግን ይደመስሳል።+
ת [ታው]
21 አፌ የይሖዋን ውዳሴ ያስታውቃል፤+ሕያዋን ፍጥረታት በሙሉ ቅዱስ ስሙን* ለዘላለም ያወድሱ።+
የግርጌ ማስታወሻዎች
^ ወይም “ከመረዳት ችሎታ በላይ ነው።”
^ ወይም “ኃይልህ።”
^ ወይም “ቸርና።”
^ ወይም “በቅንነት።”
^ ቃል በቃል “ሥጋ ሁሉ ቅዱስ ስሙን።”
