തീർച്ചയായും! “മനസ്സു തളർന്നി​രി​ക്കു​ന്ന​വരെ ആശ്വസി​പ്പി​ക്കുന്ന ദൈവ”ത്തിൽനി​ന്നാ​ണു ബൈബിൾ വന്നിരി​ക്കു​ന്നത്‌. (2 കൊരി​ന്ത്യർ 7:6) ബൈബിൾ ഒരു മാനസി​കാ​രോ​ഗ്യ പുസ്‌ത​ക​മ​ല്ലെ​ങ്കി​ലും ആത്മഹത്യ ചെയ്യാ​നുള്ള തോന്നൽ മറിക​ട​ക്കാൻ അത്‌ അനേകരെ സഹായി​ച്ചി​ട്ടുണ്ട്‌. അതിലെ നിർദേ​ശങ്ങൾ നിങ്ങ​ളെ​യും സഹായി​ക്കും.

•  ബൈബിൾ തരുന്ന നിർദേ​ശങ്ങൾ എന്തൊ​ക്കെ​യാണ്‌?

•  മരിക്കാൻ ആഗ്രഹി​ച്ച​വ​രെ​ക്കു​റിച്ച്‌ ബൈബി​ളിൽ പറയു​ന്നു​ണ്ടോ?

•  ആത്മഹത്യാ​പ്ര​വ​ണ​ത​യ്‌ക്കെ​തി​രെ പോരാ​ടാൻ ഏതൊക്കെ ബൈബിൾവാ​ക്യ​ങ്ങൾ നിങ്ങളെ സഹായി​ക്കും?

•  “എനിക്കു മരിക്കണം” എന്ന്‌ ഒരു സുഹൃത്തു പറഞ്ഞാൽ

•  മുമ്പ്‌ ഞാൻ ആത്മഹത്യ​യ്‌ക്കു ശ്രമി​ച്ചി​ട്ടു​ണ്ടെ​ങ്കിൽ

• ● നിങ്ങളു​ടെ വികാ​രങ്ങൾ പ്രകടി​പ്പി​ക്കുക.

   ബൈബിൾ പറയു​ന്നത്‌: “യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു; കഷ്ടതക​ളു​ടെ സമയത്ത്‌ അവൻ കൂടപ്പി​റ​പ്പാ​യി​ത്തീ​രു​ന്നു.”—സുഭാ​ഷി​തങ്ങൾ 17:17.

   അർഥം: വേദനി​പ്പി​ക്കുന്ന ചിന്തകൾ നമുക്കു​ള്ള​പ്പോൾ മറ്റുള്ള​വ​രു​ടെ സഹായം ആവശ്യ​മാണ്‌.

   വികാ​ര​ങ്ങൾ നിങ്ങൾ ഉള്ളിൽ ഒതുക്കു​ക​യാ​ണെ​ങ്കിൽ താങ്ങാ​നാ​കാത്ത ഒരു ചുമടു ചുമക്കു​ന്ന​തു​പോ​ലെ​യാ​യി​രി​ക്കും. എന്നാൽ അത്‌ ആരോ​ടെ​ങ്കി​ലും പറഞ്ഞാൽ, അതിന്റെ തീവ്രത കുറയ്‌ക്കാ​നും ഒരുപക്ഷേ സാഹച​ര്യ​ത്തെ മറ്റൊരു വിധത്തിൽ കാണാൻപോ​ലും കഴി​ഞ്ഞേ​ക്കും.

   ചെയ്‌തു​നോ​ക്കാൻ: ഇന്നുതന്നെ ഒരു കുടും​ബാം​ഗ​ത്തോ​ടോ ഒരു വിശ്വ​സ്‌ത​സു​ഹൃ​ത്തി​നോ​ടോ സംസാ​രി​ക്കുക. a നിങ്ങളു​ടെ തോന്ന​ലു​കൾ എഴുതു​ന്ന​തും വികാ​രങ്ങൾ പ്രകടി​പ്പി​ക്കാൻ സഹായി​ച്ചേ​ക്കും.

• ● ഡോക്ടറെ കാണുക.

   ബൈബിൾ പറയു​ന്നത്‌: “ആരോ​ഗ്യ​മു​ള്ള​വർക്കല്ല, രോഗി​കൾക്കാ​ണു വൈദ്യ​നെ ആവശ്യം.”—മത്തായി 9:12.

   അർഥം: അസുഖ​മു​ണ്ടെ​ങ്കിൽ ചികി​ത്സി​ക്കണം.

   ആത്മഹത്യ ചെയ്യാ​നുള്ള തോന്നൽ ചില​പ്പോൾ മാനസി​ക​രോ​ഗ​ത്തി​ന്റെ ലക്ഷണമാ​യി​രി​ക്കാം. മറ്റു രോഗ​ങ്ങ​ളെ​പ്പോ​ലെ​തന്നെ ഇതി​നെ​യും കണ്ടാൽ മതി. നാണ​ക്കേടു തോന്നേണ്ട കാര്യ​മില്ല. മാനസി​ക​രോ​ഗം ചികി​ത്സിച്ച്‌ മാറ്റാ​വു​ന്ന​താണ്‌.

   ചെയ്‌തു​നോ​ക്കാൻ: എത്രയും പെട്ടെ​ന്നു​തന്നെ ഒരു ഡോക്ടറെ കാണുക.

• ● ദൈവ​ത്തി​നു ചിന്തയു​ണ്ടെന്ന്‌ ഓർക്കുക.

   ബൈബിൾ പറയു​ന്നത്‌: “നിസ്സാ​ര​വി​ല​യുള്ള രണ്ടു നാണയ​ത്തു​ട്ടി​നല്ലേ അഞ്ചു കുരു​വി​കളെ വിൽക്കു​ന്നത്‌? എങ്കിലും അവയിൽ ഒന്നി​നെ​പ്പോ​ലും ദൈവം മറക്കു​ന്നില്ല. . . . അതു​കൊണ്ട്‌ പേടി​ക്കേണ്ടാ. അനേകം കുരു​വി​ക​ളെ​ക്കാൾ എത്രയോ വിലയു​ള്ള​വ​രാ​ണു നിങ്ങൾ!”—ലൂക്കോസ്‌ 12:6, 7.

   അർഥം: നിങ്ങൾ ദൈവ​ത്തി​നു വില​പ്പെ​ട്ട​വ​രാണ്‌.

   ആർക്കും നിങ്ങ​ളെ​ക്കു​റിച്ച്‌ ചിന്തയി​ല്ലെന്നു ചില​പ്പോൾ നിങ്ങൾക്കു തോന്നി​യേ​ക്കാം. പക്ഷേ നിങ്ങളു​ടെ വിഷമങ്ങൾ ദൈവം മനസ്സി​ലാ​ക്കു​ന്നുണ്ട്‌. ഇനി ജീവി​ക്കേണ്ടാ എന്നു നിങ്ങൾക്കു തോന്നു​മ്പോൾപ്പോ​ലും ദൈവം നിങ്ങ​ളെ​ക്കു​റിച്ച്‌ ചിന്തയു​ള്ള​വ​നാണ്‌. സങ്കീർത്തനം 51:17 പറയു​ന്നത്‌, “ദൈവമേ, തകർന്ന്‌ നുറു​ങ്ങിയ ഹൃദയത്തെ അങ്ങ്‌ ഉപേക്ഷി​ക്കി​ല്ല​ല്ലോ” എന്നാണ്‌. നിങ്ങളെ സ്‌നേ​ഹി​ക്കു​ന്ന​തു​കൊണ്ട്‌ നിങ്ങൾ ജീവി​ക്കാൻ ദൈവം ആഗ്രഹി​ക്കു​ന്നു.

   ചെയ്‌തു​നോ​ക്കാൻ: ദൈവം നിങ്ങളെ സ്‌നേ​ഹി​ക്കു​ന്നു​ണ്ടെ​ന്ന​തി​നു ബൈബിൾ തരുന്ന തെളി​വു​കൾ നോക്കുക. ഉദാഹ​ര​ണ​ത്തിന്‌, ബൈബിൾ പഠനസ​ഹാ​യി​യായ യഹോ​വ​യോട്‌ അടുത്തു ചെല്ലു​വിൻ എന്ന പുസ്‌ത​ക​ത്തി​ന്റെ 24-ാം അധ്യായം കാണുക.

• ● ദൈവ​ത്തോ​ടു പ്രാർഥി​ക്കുക.

   ബൈബിൾ പറയു​ന്നത്‌: “ദൈവം നിങ്ങ​ളെ​ക്കു​റിച്ച്‌ ചിന്തയു​ള്ള​വ​നാ​യ​തു​കൊണ്ട്‌ നിങ്ങളു​ടെ എല്ലാ ഉത്‌ക​ണ്‌ഠ​ക​ളും ദൈവ​ത്തി​ന്റെ മേൽ ഇടുക.”—1 പത്രോസ്‌ 5:7.

   അർഥം: നിങ്ങളു​ടെ മനസ്സിനെ വിഷമി​പ്പി​ക്കു​ന്ന​തെ​ന്തും തുറന്നു​പ​റ​യാൻ ദൈവം നിങ്ങളെ ക്ഷണിക്കു​ന്നു.

   ആന്തരി​ക​സ​മാ​ധാ​ന​വും സഹിച്ചു​നിൽക്കാ​നുള്ള കരുത്തും തരാൻ ദൈവ​ത്തി​നാ​കും. (ഫിലി​പ്പി​യർ 4:6, 7, 13) അങ്ങനെ, തന്നെ ആത്മാർഥ​മാ​യി വിളി​ച്ച​പേ​ക്ഷി​ക്കു​ന്ന​വരെ ദൈവം പുലർത്തും.—സങ്കീർത്തനം 55:22.

   ചെയ്‌തു​നോ​ക്കാൻ: ഇന്നുതന്നെ, യഹോവ എന്ന ദൈവ​ത്തി​ന്റെ പേര്‌ വിളിച്ച്‌ ദൈവ​ത്തോ​ടു പ്രാർഥി​ക്കുക. (സങ്കീർത്തനം 83:18) നിങ്ങളു​ടെ ഉള്ളിലു​ള്ളതു പറയുക. സഹിച്ചു​നിൽക്കാ​നുള്ള സഹായം ചോദി​ക്കുക.

• ● ബൈബിൾ തരുന്ന ഭാവി​പ്ര​ത്യാ​ശ​യെ​ക്കു​റിച്ച്‌ ചിന്തി​ക്കുക.

   ബൈബിൾ പറയു​ന്നത്‌: “സുനി​ശ്ചി​ത​വും ഉറപ്പു​ള്ള​തും ആയ ഈ പ്രത്യാശ നമുക്ക്‌ ഒരു നങ്കൂര​മാണ്‌.”—എബ്രായർ 6:19.

   അർഥം: കൊടു​ങ്കാ​റ്റിൽപ്പെട്ട ഒരു കപ്പൽപോ​ലെ നിങ്ങളു​ടെ വികാ​രങ്ങൾ ആടിയു​ല​ഞ്ഞേ​ക്കാം. എന്നാൽ ബൈബിൾ തരുന്ന പ്രത്യാ​ശ​യ്‌ക്ക്‌ അതിനെ സമനി​ല​യി​ലേക്കു കൊണ്ടു​വ​രാൻ കഴിയും.

   ഈ പ്രത്യാശ ഒരു നടക്കാത്ത സ്വപ്‌നമല്ല. നമ്മളെ വേദനി​പ്പി​ക്കു​ന്ന​തെ​ല്ലാം ഇല്ലാതാ​ക്കു​മെന്ന ദൈവ​ത്തി​ന്റെ ഉറപ്പാണ്‌ അതിന്‌ അടിസ്ഥാ​നം.—വെളി​പാട്‌ 21:4.

   ചെയ്‌തു​നോ​ക്കാൻ: ദൈവ​ത്തിൽനി​ന്നുള്ള സന്തോഷവാർത്ത! എന്ന ലഘുപ​ത്രി​ക​യു​ടെ അഞ്ചാം പാഠം വായി​ച്ചു​കൊണ്ട്‌ ബൈബിൾ തരുന്ന പ്രത്യാ​ശ​യെ​ക്കു​റിച്ച്‌ കൂടുതൽ മനസ്സി​ലാ​ക്കുക.

• ● ഇഷ്ടമു​ള്ളത്‌ എന്തെങ്കി​ലും ചെയ്യുക.

   ബൈബിൾ പറയു​ന്നത്‌: “സന്തോ​ഷ​മുള്ള ഹൃദയം നല്ലൊരു മരുന്നാണ്‌.”—സുഭാ​ഷി​തങ്ങൾ 17:22.

   അർഥം: സന്തോഷം തരുന്ന എന്തെങ്കി​ലും ചെയ്യു​ന്നതു മാനസി​കാ​രോ​ഗ്യം മെച്ച​പ്പെ​ടു​ത്താൻ സഹായി​ച്ചേ​ക്കും.

   ചെയ്‌തു​നോ​ക്കാൻ: നിങ്ങൾക്കു സന്തോഷം തരുന്ന എന്തെങ്കി​ലും ചെയ്യുക. ഉദാഹ​ര​ണ​ത്തിന്‌, മനസ്സിന്‌ ഉണർവേ​കുന്ന പാട്ടുകൾ കേൾക്കു​ക​യോ പ്രോ​ത്സാ​ഹനം തരുന്ന എന്തെങ്കി​ലും വായി​ക്കു​ക​യോ ഒരു ഹോബി​യിൽ ഏർപ്പെ​ടു​ക​യോ ചെയ്യുക. ചെറിയ വിധത്തി​ലാ​ണെ​ങ്കിൽപ്പോ​ലും മറ്റുള്ള​വരെ സഹായി​ക്കു​ന്ന​തും നിങ്ങളു​ടെ സന്തോഷം വർധി​പ്പി​ക്കും.—പ്രവൃ​ത്തി​കൾ 20:35.

• ● നിങ്ങളു​ടെ ആരോ​ഗ്യം ശ്രദ്ധി​ക്കുക.

   ബൈബിൾ പറയു​ന്നത്‌: “കായി​ക​പ​രി​ശീ​ലനം അൽപ്പ​പ്ര​യോ​ജ​ന​മു​ള്ള​താണ്‌.”—1 തിമൊ​ഥെ​യൊസ്‌ 4:8.

   അർഥം: വ്യായാ​മം ചെയ്യു​ന്ന​തും ആവശ്യ​ത്തിന്‌ ഉറങ്ങു​ന്ന​തും പോഷ​ക​മൂ​ല്യ​മുള്ള ആഹാരം കഴിക്കു​ന്ന​തും നമുക്കു പ്രയോ​ജനം ചെയ്യും.

   ചെയ്‌തു​നോ​ക്കാൻ: ഊർജ​സ്വ​ല​മാ​യി 15 മിനി​ട്ടെ​ങ്കി​ലും നടക്കുക.

• ● വികാ​ര​ങ്ങൾക്കും ജീവി​ത​ത്തി​ലെ പല കാര്യ​ങ്ങൾക്കും മാറ്റം വരു​മെന്ന്‌ ഓർക്കുക.

   ബൈബിൾ പറയു​ന്നത്‌: “നാളെ നിങ്ങൾക്ക്‌ എന്തു സംഭവി​ക്കു​മെന്നു നിങ്ങൾക്ക്‌ അറിയി​ല്ല​ല്ലോ.”—യാക്കോബ്‌ 4:14.

   അർഥം: വിഷമി​പ്പി​ക്കുന്ന ഒരു പ്രശ്‌നം, നിങ്ങളു​ടെ നിയ​ന്ത്ര​ണ​ത്തി​നും അപ്പുറ​മാ​ണെന്നു തോന്നുന്ന ഒന്നു​പോ​ലും, ചില​പ്പോൾ താത്‌കാ​ലി​ക​മാ​യി​രു​ന്നേ​ക്കാം.

   ഇന്നു നിങ്ങളു​ടെ സാഹച​ര്യം എത്ര മോശ​മാ​ണെന്നു തോന്നി​യാ​ലും നാളെ അതു മാറി​യേ​ക്കാം. അതു​കൊണ്ട്‌ സഹിച്ചു​നിൽക്കാ​നുള്ള വഴികൾ നോക്കുക. (2 കൊരി​ന്ത്യർ 4:8) നിങ്ങളെ വിഷമി​പ്പി​ക്കുന്ന സാഹച​ര്യ​ത്തി​നു മാറ്റം വന്നേക്കാം. പക്ഷേ ആത്മഹത്യ ചെയ്‌താൽ പിന്നെ ഒരു തിരി​ച്ചു​വ​ര​വില്ല.

   ചെയ്‌തു​നോ​ക്കാൻ: നിരാ​ശ​യി​ലാ​ണ്ടു​പോ​യ​പ്പോൾ മരിക്കാൻ ആഗ്രഹി​ച്ച​വ​രെ​ക്കു​റി​ച്ചുള്ള ബൈബിൾവി​വ​ര​ണങ്ങൾ വായി​ക്കുക. അവർപോ​ലും വിചാ​രി​ക്കാത്ത വിധത്തിൽ അവരുടെ സാഹച​ര്യം പതി​യെ​പ്പ​തി​യെ മാറി​യത്‌ എങ്ങനെ​യെന്നു മനസ്സി​ലാ​ക്കുക. ചില ഉദാഹ​ര​ണങ്ങൾ നോക്കൂ.

 ഉണ്ട്‌. ഫലത്തിൽ, “എനിക്കു മരിക്കണം” എന്നു പറഞ്ഞ ചില​രെ​ക്കു​റിച്ച്‌ ബൈബി​ളിൽ പറയു​ന്നുണ്ട്‌. ദൈവം അവരെ വഴക്കു പറഞ്ഞില്ല, പകരം സഹായി​ച്ചു. നിങ്ങളു​ടെ കാര്യ​ത്തി​ലും ദൈവ​ത്തിന്‌ അതു ചെയ്യാ​നാ​കും.

ഏലിയ

•  ● അദ്ദേഹം ആരായി​രു​ന്നു? ധീരനായ ഒരു പ്രവാ​ചകൻ. പക്ഷേ ചില സമയങ്ങ​ളിൽ അദ്ദേഹം നിരാ​ശ​യി​ലാ​ണ്ടു​പോ​യി. “നമ്മു​ടേ​തു​പോ​ലുള്ള വികാ​ര​ങ്ങ​ളുള്ള ഒരു മനുഷ്യ​നാ​യി​രു​ന്നു ഏലിയ” എന്ന്‌ യാക്കോബ്‌ 5:17 പറയുന്നു.

•  ● അദ്ദേഹം മരിക്കാൻ ആഗ്രഹി​ച്ചത്‌ എന്തു​കൊ​ണ്ടാണ്‌? ഒരു സമയത്ത്‌, ഒറ്റപ്പെ​ട്ട​തു​പോ​ലെ അദ്ദേഹ​ത്തി​നു തോന്നി. പേടി​യും തന്നെ​ക്കൊണ്ട്‌ ഒന്നിനും കൊള്ളി​ല്ലെന്ന തോന്ന​ലും അദ്ദേഹ​ത്തി​നു​ണ്ടാ​യി. അതു​കൊണ്ട്‌, “യഹോവേ, എന്റെ ജീവ​നെ​ടു​ക്കേ​ണമേ” എന്ന്‌ ഏലിയ അപേക്ഷി​ച്ചു.—1 രാജാ​ക്ക​ന്മാർ 19:4.

•  ● അദ്ദേഹത്തെ സഹായി​ച്ചത്‌ എന്താണ്‌? ഏലിയ തന്റെ ഉള്ളിലു​ള്ള​തെ​ല്ലാം ദൈവത്തെ അറിയി​ച്ചു. ദൈവം എങ്ങനെ​യാണ്‌ അദ്ദേഹത്തെ പ്രോ​ത്സാ​ഹി​പ്പി​ച്ചത്‌? തനിക്ക്‌ ഏലിയ​യു​ടെ കാര്യ​ത്തിൽ താത്‌പ​ര്യ​മു​ണ്ടെന്നു ദൈവം കാണിച്ചു. അതോ​ടൊ​പ്പം തന്റെ ശക്തി പ്രകടി​പ്പിച്ച്‌ കാണി​ക്കു​ക​യും ചെയ്‌തു. കൂടാതെ ഏലിയ​യെ​ക്കൊണ്ട്‌ ഇനിയും ആവശ്യ​മു​ണ്ടെന്ന്‌ ഉറപ്പു കൊടു​ക്കു​ക​യും നല്ല കഴിവും പരിഗ​ണ​ന​യും ഉള്ള ഒരു സഹായി​യെ നൽകു​ക​യും ചെയ്‌തു.

•  ▸ ഏലിയ​യെ​ക്കു​റിച്ച്‌ വായിക്കൂ: 1 രാജാ​ക്ക​ന്മാർ 19:2-18.

ഇയ്യോബ്‌

•  ● അദ്ദേഹം ആരായി​രു​ന്നു? സത്യ​ദൈ​വത്തെ വിശ്വ​സ്‌ത​മാ​യി ആരാധിച്ച, ഒരു വലിയ കുടും​ബ​മുള്ള പണക്കാ​ര​നാ​യി​രു​ന്നു ഇയ്യോബ്‌.

•  ● അദ്ദേഹം മരിക്കാൻ ആഗ്രഹി​ച്ചത്‌ എന്തു​കൊ​ണ്ടാണ്‌? ഇയ്യോ​ബി​ന്റെ ജീവി​ത​ത്തിൽ ഒന്നിനു പുറകെ ഒന്നായി ദുരന്തങ്ങൾ ആഞ്ഞടിച്ചു. സ്വത്തെ​ല്ലാം നഷ്ടമായി, മക്കളെ​ല്ലാം ഒരു ദുരന്ത​ത്തിൽ മരിച്ചു, അദ്ദേഹ​ത്തി​നു വേദനാ​ക​ര​മായ ഒരു രോഗം വന്നു. ഇതൊ​ന്നും പോരാ​ത്ത​തിന്‌, ഇയ്യോ​ബി​ന്റെ പ്രശ്‌ന​ങ്ങൾക്ക്‌ ആളുകൾ അദ്ദേഹ​ത്തെ​ത്തന്നെ നിഷ്‌ഠു​ര​മാ​യി കുറ്റ​പ്പെ​ടു​ത്തി. “ഈ ജീവി​ത​ത്തോട്‌ എനിക്കു വെറു​പ്പാണ്‌, എനിക്ക്‌ ഇനി ജീവി​ക്കേണ്ടാ” എന്ന്‌ അദ്ദേഹം പറഞ്ഞു.—ഇയ്യോബ്‌ 7:16

•  ● അദ്ദേഹത്തെ സഹായി​ച്ചത്‌ എന്താണ്‌? ഇയ്യോബ്‌ ദൈവ​ത്തോ​ടു പ്രാർഥി​ക്കു​ക​യും മറ്റുള്ള​വ​രോ​ടു സംസാ​രി​ക്കു​ക​യും ചെയ്‌തു. (ഇയ്യോബ്‌ 10:1-3) എലീഹു എന്ന അനുക​മ്പ​യുള്ള ഒരു സുഹൃ​ത്തിൽനിന്ന്‌ അദ്ദേഹ​ത്തി​നു പ്രോ​ത്സാ​ഹനം ലഭിച്ചു. സാഹച​ര്യ​ത്തെ മറ്റൊരു വിധത്തിൽ നോക്കി​ക്കാ​ണാൻ എലീഹു ഇയ്യോ​ബി​നെ സഹായി​ച്ചു. ഇതി​നെ​ല്ലാം പുറമേ, ദൈവ​ത്തി​ന്റെ ഉപദേ​ശ​വും സഹായ​വും അദ്ദേഹം സ്വീക​രി​ച്ചു.

•  ▸ ഇയ്യോ​ബി​നെ​ക്കു​റിച്ച്‌ വായിക്കൂ: ഇയ്യോബ്‌ 1:1-3, 13-22; 2:7; 3:1-13; 36:1-7; 38:1-3; 42:1, 2, 10-13.

മോശ

•  ● അദ്ദേഹം ആരായി​രു​ന്നു? പുരാതന ഇസ്രാ​യേ​ലി​ലെ നേതാ​വും വിശ്വ​സ്‌ത​നായ ഒരു പ്രവാ​ച​ക​നും ആയിരു​ന്നു മോശ.

•  ● അദ്ദേഹം മരിക്കാൻ ആഗ്രഹി​ച്ചത്‌ എന്തു​കൊ​ണ്ടാണ്‌? മോശ​യ്‌ക്ക്‌ ഒരുപാട്‌ ഭാരിച്ച ഉത്തരവാ​ദി​ത്വ​ങ്ങ​ളു​ണ്ടാ​യി​രു​ന്നു. അദ്ദേഹം പലരു​ടെ​യും വിമർശ​ന​ത്തിന്‌ ഇരയായി. ആകെ തളർന്ന​തു​പോ​ലെ അദ്ദേഹ​ത്തി​നു തോന്നി. അതു​കൊണ്ട്‌ “എന്നെ ഇപ്പോൾത്തന്നെ കൊന്നു​ക​ള​ഞ്ഞേക്കൂ” എന്ന്‌ അദ്ദേഹം ദൈവ​ത്തോ​ടു പറഞ്ഞു.—സംഖ്യ 11:11, 15.

•  ● അദ്ദേഹത്തെ സഹായി​ച്ചത്‌ എന്താണ്‌? തനിക്കു തോന്നി​യത്‌ എന്താ​ണെന്നു മോശ ദൈവ​ത്തോ​ടു പറഞ്ഞു. മോശ​യു​ടെ പിരി​മു​റു​ക്കം കുറയ്‌ക്കു​ന്ന​തി​നു​വേണ്ടി അദ്ദേഹ​ത്തി​ന്റെ ജോലി​ഭാ​രം കുറയ്‌ക്കാൻ ദൈവം സഹായി​ച്ചു.

•  ▸ മോശ​യെ​ക്കു​റിച്ച്‌ വായിക്കൂ: സംഖ്യ 11:4-6, 10-17.