Haka:

• Tononkira Misy Naoty

1. 1. Nampiseho ny finoany

   ’Reo tia anao tao am-pony,

   Ka voatahiry hatrizao

   Ilay boky iray avy aminao.

   Izy ireo no nandika.

   Nasainao niaro, nampita.

   Ka ’zay voalaza fahiny

   Mbola azo ampiharina ankehitriny.

   Nasehon’ny tantara,

   Faly izy ireo nandray anjara,

   Ka nokaliany sady nokajiany

   Ireo teny tianao hambara.

   (FIVERENANA)

   Ny Teninao tsy ho foana

   Na hifandimby aza ny taona.

   Io no aina ho anay, hanome hery indray

   Ka hitarika ahy mandrakizay.

2. 2. Ô, nandalo fisedrana maro

   Io boky io fa voaro.

   Kanefa hitoetra ny teny rehetra,

   Tsy ho resin’ny fahavalo.

   Na teo ireo nitady handrara

   Dia nisy ihany tia ny tsara.

   Satria noho ny finoany dia ny ainy no nafoiny.

   Dia ’zao ny Baiboly voazara.

   (FIVERENANA)

   Satria ny Teninao tsy ho foana

   Na hifandimby aza ny taona.

   Io no aina ho anay, hanome hery indray

   Ka hitarika ahy mandrakizay.

3. 3. Ilay anaranao hoe Jehovah

   Hoderainay ihany koa,

   Satria tsisy ho voafafa

   Na dia teny iray aza,

   Fa tsy maintsy ho tò avokoa.

   (FIVERENANA)

   Fa ny Teninao tsy ho foana

   Na hifandimby aza ny taona.

   Io no aina ho anay, hanome hery indray

   Ka hitarika ahy mandrakizay.

   Mandrakizay.